नागोठणे उरूस सर्कल येथे अपघाताचा धोका वाढला 

 उरूस सर्कल येथे नागोठण्यात येण्याजाण्यासाठी अलिबाग, पेण व महाड बाजूकडून चार रस्ते एकत्र येत आहे. तसेच येथील रिलायन्स कंपनीत येणाऱ्या जाणाऱ्या आणि रिलायन्सच्या नवीन प्रकल्पाची उभारणी साठी येणाऱ्या अवजड वाहनांमुळे अलिबाग बाजूकडे व महाड तसेच पेण बाजूकडे ये जा करणाऱ्या अवजड वाहनांची मोठी वर्दळ असते. ही वाहने उरूस सर्कल येथे जोरात येत असतात तसेच सर्कलच्या ठिकाणी वाहतुकीचे नियम पाळले जात नाहीत. त्यामुळे याठिकाणी भविष्यात मोठा अपघात घडण्याची दाट शक्यता असल्याने त्यापूर्वी उरूस सर्कल येथील चारही बाजूकडील रस्त्यांवर तातडीने  गतिरोधक बसविण्याची गरज निर्माण झाली आहे.