बाळसई येथे श्री. बेलजाई मातेचा पालखी सोहळा उत्साहात संपन्न 

यावेळी गावात सर्वत्र आकर्षक रांगोळ्या काढण्यात आल्या होत्या तसेच प्रत्येकांनी घरासमोर गुढी उभारली होती. या सोहळ्याच्या निमित्ताने नोकरी व्यवसायाच्या निमित्ताने मुंबई – ठाणे व इतरत्र असलेले चाकरमानी तसेच माहेरवाशिणी या पालखी सोहळ्यासाठी आवर्जून उपस्थित राहिले होते. हा भक्तिमय  रुपातील सोहळा रात्री ११.०० वाजता मंदिरात पोहचला. यावेळी उपस्थितांकडुन बेलजाई मातेचा जयघोष करण्यात आल्यानंतर आरती घेण्यात आली. शेवटी या पालखी सोहळ्यासाठी उपस्थित असलेल्या भक्तांना महाप्रसाद देण्यात आल्यावर ग्रामस्थ व वारकरी भजन मंडळ, बाळसई यांच्या सुश्राव्य संगीत भजनाने व जागरणाने या भव्यदिव्य अशा कार्यक्रमाची सांगता करण्यात आली. हा संपुर्ण सोहळा यशस्वी करण्यासाठी बाळसई गावचे अध्यक्ष मधुकर ठमके यांच्या मार्गदर्शनाखाली बाळसई ग्रामस्थ मंडळ, महिला मंडळ,  बेलजाई मित्र मंडळ मुंबई, बेलजाई क्रिडा मंडळ, मुंबई मंडळ, बाळसई यांनी अपार मेहनत घेतली.