वरदाई चारिटेबल ट्रस्ट तर्फे नागोठण्यात आज मोफत आरोग्य शिबिर

या मोफत आरोग्य शिबिरात तज्ञ डॉक्टरांकडून तपासणी करण्यात येणार आहे.  यामध्ये नेत्र रोग तज्ञ असलेले डॉ. रत्नदीप गवळी यांच्याकडून मोतीबिंदू, काचबिंदू, डोळ्यांचा संसर्ग, रेटीनाचे आजार, डोळ्यांची तपासणी,  डोळ्यांना इजा व दृष्टी कमी होणे,  डोळ्यांच्या आजारावर औषधोपचार आदी तपासण्या करण्यात येणार आहेत. तर कन्सल्टंट फिजिशियन डॉ. नयन ब्राम्हो यांच्याकडून मधुमेह,  उच्च रक्तदाब,  थायरॉईडचे आजार,  कोलेस्ट्रॉल वाढणे, ताप व संसर्गजन्य आजार,  डेंगू, मलेरिया, टायफाईड, मूत्रमार्गाचे संसर्ग आदी तपासण्या करण्यात येणार आहेत. या शिबिरात नोंदणी केलेल्या रुग्णांना अनेक सुविधा अल्प दरात उपलब्ध करून देण्यात येणार आहेत. या शिबिरात सीबीसी, ब्लड शुगर, थायरॉईड, युरीन, ईसीजी या  तपासण्या मोफत करून मिळणार आहेत. या मोफत आरोग्य शिबिरात नोंदणी करण्यासाठी ९३२४७११०१०/९३२४८६१०१० या मोबाईल क्रमांकावर संपर्क साधण्यास सांगण्यात आले आहे.