महसूल खात्यातर्फे नागोठण्यात शनिवारी समाधान शिबिर अभियान 

या शिबिरात येत्या शैक्षणिक वर्षात १० वी, १२ वी च्या विद्यार्थ्यांना प्रवेश प्रक्रियेसाठी लागणारे जातीचे दाखले, रहिवासी दाखले, वय व आदिवास दाखले, उत्पन्नाचे दाखले, आधार कार्ड असे विविध प्रकारचे दाखले विविध शैक्षणिक प्रवेश प्रक्रियेपूर्वी वेळेत मिळण्यासाठी रोहा तहसीलदारांच्या दालनात २६ फेब्रुवारी, २०२६ रोजी घेण्यात आलेल्या सभेत रोहा तालुक्यातील शाळांचे मुख्याध्यापक व तालुका शिक्षणाधिकारी यांना आपापल्या शाळांमधील विद्यार्थ्यांचे विविध प्रकारच्या दाखल्यांचे फॉर्म त्यासोबत ग्राम महसूल अधिकारी व ग्रामपंचायत अधिकारी यांच्याकडून आवश्यक ते पुरावे गोळा करून ते फॉर्म सोबत जोडून तहसील कार्यालयात दाखल करण्यास सांगण्यात आले होते. तसेच तयार झालेले दाखले विद्यार्थांनी कुठेही न जाता मंडळातील शिबिरांमध्ये देण्याच्या सूचना देण्यात आल्या होत्या. त्यानुसारच नागोठण्यातील या शिबिरात विद्यार्थ्यांना दाखले वाटप करण्यात येणार आहेत. त्यामुळे नागोठणे मंडळ अधिकारी कार्यक्षेत्रातील शेतकरी, विद्यार्थी व पालक यांनी या “छत्रपती शिवाजी महाराज महाराजस्व समाधान शिबिर अभियान”

शिबिरात मोठ्या संख्येने उपस्थित राहून शिबिराचा लाभ घ्यावा असे आवाहन नागोठणे मंडळ अधिकारी सुवर्णा पवार यांनी केले आहे.