पत्रकार असोसिएशन आक्रमक 

लोकशाहीचा चौथा स्तंभ असलेल्या माध्यम प्रतिनिधींना धमकावणे हे केवळ एका व्यक्तीवरील कृत्य नसून पत्रकारिता अभिव्यक्ती स्वातंत्र्य आणि भारतीय संविधानाने दिलेल्या मूलभूत अधिकारांवर  थेट आघात असल्याचे तक्रारीत नमूद करण्यात आले आहे. पत्रकारांनी जनतेच्या वतीने प्रश्न विचारणे हे त्यांचे कर्तव्य असून त्यासाठी त्यांना धमकावणे, दहशत निर्माण करणे किंवा जीवितास धोका निर्माण करणारी भाषा वापरणे हा गंभीर स्वरूपाचा गुन्हा असल्याने खासदार संजय पाटील यांच्या वक्तव्यामुळे पत्रकारांमध्ये भीतीचे वातावरण निर्माण होत असून पत्रकारांच्या सुरक्षिततेबाबत गंभीर प्रश्न उपस्थित होत असल्याचेही तक्रारीत म्हटले आहे.   उपलब्ध व्हिडिओ आणि इतर पुराव्यांच्या आधारे भारतीय न्याय संहिता तसेच इतर संबंधित  कायद्यानुसार दोषींवर तात्काळ गुन्हा नोंदवून निष्पक्ष  व वेगवान चौकशी करावी आणि दोषींवर कठोर कारवाई करावी आणि पत्रकारांच्या सुरक्षिततेसाठी आवश्यक प्रतिबंधात्मक उपाययोजना करावी अशी मागणीही नागोठणे विभाग पत्रकार असोसिएशनने निवेदनाच्या माध्यमातून शासनाच्या गृह खात्याकडे करण्यात आली आहे.