सुका कचरा व प्लास्टिक जमा करण्याच्या स्पर्धेतील विजयी महिलांचा सन्मान  

नागोठणे ग्रामपंचायतीकडून करण्यात आलेल्या आवाहनानुसार सुका कचरा व प्लास्टिक गोळा करून त्याची विल्हेवाट लावण्यासाठी आयोजित केलेल्या या स्पर्धेत नागोठण्यातील सुमारे १७ महिलांनी सहभाग घेतला होता.  लकी ड्रॉ मधून प्रथम क्रमांक मीना शिर्के (कुकर), द्वितीय क्रमांक प्रीतम कडव (पाच लिटर जेमिनी गोडेतेल), तृतीय क्रमांक (पाच किलो कपड्याची सर्फ  पावडर), चतुर्थ क्रमांक सायली ताडकर (पाच किलो साखर) व पाचवा क्रमांक संचिता ठोंबरे (कपड्याचे फेमिया साबण सेट) यांना गौरविण्यात आले. तसेच या स्पर्धेत सहभागी झालेल्या शोभा फणसेकर, स्वाती तुरे, राधिका सोनी, रीना दोषी, विजय परमार, अरुणा महाडिक, सरिता जोशी, सपना चोगले, शर्मिला चितळकर, अमिता पालकर, संचिता ठोंबरे, संगीता वैशंपायन, शिर्के वाहिनी आदींना स्पर्धेतील सहभागाबद्दल उत्तेजनार्थ बक्षीस देण्यात आले.

या स्पर्धेत विजय ठरलेल्या सर्वांना नागोठण्याच्या  सरपंच सुप्रियाताई संजय महाडिक यांच्या हस्ते बक्षीस देऊन गौरविण्यात आले. यावेळी ग्रामपंचायत अधिकारी राकेश टेमघरे,  ग्रामपंचायत सदस्य सचिन ठोंबरे, अमृता महाडिक भाविका गिजे आदींसह  ग्रामपंचायत कर्मचारी उपस्थित होते.