अशफाक पानसरे यांची निवड

रायगड दक्षिण जिल्हा काँग्रेस कमिटीच्या उपाध्यक्षपदी अशफाक पानसरे यांची निवड

काँग्रेसला नागोठण्यात गतवैभव मिळवून देणार : अशफाक पानसरे

रायगड जिल्ह्यात काँग्रेस पक्ष संघटना मजबूत करून काँग्रेस पक्षाचे विचार तळागाळा पर्यंत पोहचवून लोकसभेचे विरोधी पक्ष नेते राहुल गांधी यांचे हात मजबूत कराल व प्रदेशाध्यक्ष आदरणीय हर्षवर्धन सपकाळ यांनी आपल्यावर दाखविलेला विश्वास सार्थ ठरवाल ही अपेक्षा या नियुक्ती पत्रातून व्यक्त करण्यात आली आहे. या निवडीबद्दल अशफाक पानसरे यांचे सर्वत्र अभिनंदन करण्यात येत आहे. 

काँग्रेस पक्ष हा नागोठण्यात एकेकाळी एक प्रमुख बलाढ्य पक्ष होता. याच पक्षाच्या माध्यमातून माझे दिवंगत वडील महामूदशेठ पानसरे यांनी नागोठण्याचे सरपंचपद भूषविले आहे.  तसेच नागोठण्यातील दिवंगत बाबासाहेब अधिकारी हे काँग्रेस पक्षाचे वरिष्ठ पातळीवरील एक दिग्गज नेते होते. या नेत्यांसह नागोठणे ग्रामपंचायतीचे दिवंगत माजी सरपंच फरमानशेठ दफेदार, दिवंगत निजामभाई सय्यद व इतर अनेक काँग्रेस नेत्यांच्या तालमीत मी तयार झालो असल्याने, तसेच मला दक्षिण रायगड जिल्हा काँग्रेसचे उपाध्यक्ष पद मिळाल्याने नागोठण्यातील काँग्रेसचे सर्व पदाधिकारी, ज्येष्ठ कार्यकर्ते, तरुण सहकाऱ्यांना सोबत घेऊन, या  पदाचा उपयोग करून मी  नागोठण्यासह रोहा तालुका व दक्षिण रायगड जिल्ह्यात काँग्रेस पक्ष संघटना वाढविण्यासाठी तसेच नागोठण्यात काँग्रेस पक्षाला गतवैभव प्राप्त करून देण्यासाठी जिकरीचे प्रयत्न करणार आहे.

– अशफाक  पानसरे, उपाध्यक्ष दक्षिण रायगड जिल्हा काँग्रेस पक्ष