कायदा व सुव्यवस्था अबाधित ठेवून सण साजरे करा

नारळी पौर्णिमा उत्सव साजरा करताना नदी ठिकाणी लहान मुले,  वयस्कर व्यक्ती, महीला यांना सुरक्षित ठिकाणी राहण्याबाबत सूचना द्याव्यात,  ईद-ए-मिलादचा उत्सव सामाजिक सलोखा, बंधुभाव व शांततेचा संदेश देत साजरा करावा,  जन्माष्टमी साजरा करताना दहीहंडी पथक यांना इजा होणार नाही याकरिता मॅट चा वापर करावा तसेच लहान मुलांकरिता सुरक्षिततेचे साधने वापरावे,  सण साजरे करण्यासाठी आवश्यक परवानगी आपले सरकार मार्फत ऑनलाईन घ्याव्यात, मिरवणूक काढण्यापूर्वी आवश्यक त्या परवानगी घेण्यात याव्यात. व परवानगीतील अटी/शर्तींचे काटेकोर पालन करावे. मिरवणुकीदरम्यान ध्वनीक्षेपकाचा आवाज व वापर शासनाच्या नियमांनुसार करावा, कोणत्याही समाजाच्या धार्मिक भावना दुखावतील अशा घोषणा, गाणी, पोस्टर्स किंवा कृती करू नयेत, सोशल मीडियावर अफवा, आक्षेपार्ह संदेश, व्हिडिओ किंवा फोटो प्रसारित करू नयेत व असे प्रकार निदर्शनास आल्यास तात्काळ पोलिसांना कळवावे,  मिरवणुकीमध्ये सहभागी युवकांनी शिस्त व संयम राखावा तसेच दुचाकी/चारचाकी वाहनांद्वारे धोकादायक प्रकार करू नयेत, मिरवणुकीच्या मार्गावर वाहतुकीस अडथळा निर्माण होणार नाही याची काळजी घ्यावी व पोलीस प्रशासनास सहकार्य करावे,  सोशल मीडियावरील अफवांना बळी पडू नये, इतर धर्मियांच्या भावना दुखावल्या जातील असे कृत्य करू नये तसेच कायदा व सुव्यवस्थेचा प्रश्न उपस्थित झाल्यास तत्काळ पोलीस ठाण्यात कळविणे अशा विविध सूचना या बैठकी देण्यात आल्या.