अष्टविनायक पतसंस्था आशेचा आधार

श्री अष्टविनायक पतसंस्था पेण सुधागड विधानसभा मतदारसंघ काबीज करेल :– प्रकाशभाऊ देसाई 

 

कोकणात सहकार क्षेत्र पाहिजे तसे रुजले नसतानाही आपल्या रायगड जिल्ह्यात कमळ नागरी सारख्या पतसंस्था नावारूपाला आल्या.  पतसंस्थेचे कामकाज २८ वर्षे सांभाळणे सोपे नसतानाही श्री अष्टविनायक पतसंस्थेने योग्य पद्धतीने काम करीत आपले कार्यक्षेत्र नागोठणे विभागासह रोहा तालुक्यात विस्तारले आहे.  त्यामुळे भविष्यात ही पतसंस्था पेण सुधागड विधानसभा मतदारसंघ काबीज करेल अशा शुभेच्छा भाजपाचे नेते प्रकाशभाऊ देसाई यांनी आपल्या मनोगतात दिल्या. 

श्री अष्टविनायक पतसंस्थेने सामाजिक बांधिलकीही जपली :– विलास चौलकर 

 

श्री अष्टविनायक पतसंस्थेने पारदर्शक कारभार करतानाच नेत्र चिकित्सा शिबिर, वृक्षारोपण, कोरोना काळात जिल्हाधिकारी कार्यालयाकडे केलेली २५ हजार रुपयांची मदत अशा विविध बाबतीत सामाजिक बांधिलकीही जपली आहे. पतसंस्थेच्या वार्षिक सभेच्या निमित्ताने आम्ही दरवर्षी अनेक विद्यार्थी व मान्यवरांचा सत्कार करीत असतो.  माझा पुतण्या अथर्व चौलकर हा पायलट झाला आणि त्याचा सत्कार करण्याची संधी मला पतसंस्थेच्या माध्यमातून मिळाली याचाही मला अभिमान आहे. आमच्या ग्राहकांना अखंडित सेवा देत, आमचे सर्व सभासद, ठेवीदार, कर्जदार व संचालक मंडळ यांच्या सहकार्यामुळेच ही संस्था तज्ञपणे व यशस्वीपणे चालविताना आम्ही १५ कोटींच्या वर उलाढाल करून १२ लाख, ७५ हजार रुपये नफा व  ७९ टक्के गुणांसह ऑडिट “अ ” वर्ग मिळविला आहे. संस्थेचे वसुली पथकही चांगले काम करीत आहे.  विना सहकार, नाही उद्धार आणि एकीचे बळ, मिळते फळ… या तत्वाने चालल्यानेच पतसंस्था  नावारूपाला आली.  एकीच्या बळामुळेच मला एक प्रकारची ऊर्जा प्राप्त होते. चांगली सेवा देण्यासाठी आम्ही कटीबद्ध असून संस्थेच्या कारभारात काही चुकीचे होत असल्यास व्यवस्थापिका व आमच्या निदर्शनास आणून द्या.  कोणताही भ्रष्टाचार या पतसंस्थेत होऊ नये अशा प्रकारची बुद्धी आम्हाला परमेश्वराने द्यावी अशी प्रार्थनाही यावेळी विलास चौलकर यांनी मनोगत व्यक्त केली.