नागोठणे ग्रामपंचायतीच्या उपसरपंचपदी ज्ञानेश्वर साळुंखे बिनविरोध 

उपसरपंच पदाच्या निवडणुकीच्या प्रसंगी ज्येष्ठ नेते संजयदादा महाडिक, पहिले लोकनियुक्त सरपंच तथा विद्यमान सदस्य डॉ. मिलिंद धात्रक, ग्रामपंचायत अधिकारी राकेश टेमघरे, मावळते उपसरपंच अखलाख पानसरे, सदस्य संतोष नागोठणेकर, सचिन ठोंबरे,  प्रकाश कांबळे, शबाना मुल्ला, पूनम काळे, सुप्रिया काकडे, भाविका गिजे, अमृता महाडिक, ज्योती राऊत, सुलताना लंबाते, जन्नत कुरेशी, विनिता पाटील, शहानाज अधिकारी, मंगी कातकरी, संजय काकडे, भरत गिजे, अनिल महाडिक, सुनील लाड, बंटी मांडे, अजित दळवी, मच्छिंद्र साळुंखे, संकेत साळुंखे, सोनाली साळुंखे, बबलू खंडागळे, रुपेश नागोठणेकर, अल्वीन नाकते आदींसह प्रभाग क्रमांक ६ चा समावेश असलेल्या जोगेश्वरी नगर, शांती नगर, रामनगर येथील कार्यकर्ते व नागरिक यावेळी मोठ्या संख्येने उपस्थित होते.

उपसरपंच ज्ञानेश्वर साळुंखे यांना सरपंच सुप्रियाताई महाडिक यांच्या प्रमुख उपस्थितीत माजी उपसरपंच अखलाक पानसरे यांच्याकडून उपसरपंच पदाच्या खुर्चीवर विराजमान करण्यात आले. यावेळी सरपंच सुप्रियाताई महाडिक,  माजी सरपंच डॉ. मिलिंद धात्रक, माजी उपसरपंच अखलाक पानसरे, संजयदादा महाडिक यांच्यासह अनेक मान्यवरांनी नवनिर्वाचित उपसरपंच ज्ञानेश्वर साळुंखे यांचे अभिनंदन करुन शुभेच्छा दिल्या. यावेळी उपसरपंच  ज्ञानेश्वर साळुंखे यांनी बिनविरोध निवड होण्यासाठी सहकार्य केलेले आमचे मार्गदर्शक नेते किशोरभाई जैन, सरपंच सुप्रियाताई महाडिक, संजयदादा महाडिक, माजी सरपंच डॉ. मिलिंद धात्रक, उमेदवारी अर्ज मागे घेणारे सदस्य प्रकाश कांबळे व सर्व सदस्यांनी केलेल्या सहकार्यासाठी आभार व्यक्त केले. तसेच आपल्या उपसरपंच पदाच्या काळात गावातील विकासकामांसाठी सर्वोतोपरी योगदान देण्याचा आणि मिळालेल्या संधीचे सोने करण्याचा आपण प्रयत्न करू असे अभिवचन यावेळी उपसरपंच ज्ञानेश्वर साळुंखे यांनी दिले.