E-Paperhttps://raigadchabulandaawaj.in/wp-content/uploads/2024/01/jjujuu.gifटॉप न्यूज़नियुक्तीमहाराष्ट्रयुवाराज्यलोकल न्यूज़शिक्षण
भव्य रोजगार मेळावा
वेलशेत येथे २९ सप्टेंबर रोजी भव्य 'रोजगार महामेळावा २०२६' चे आयोजन
वेलशेत येथे २९ सप्टेंबर रोजी भव्य ‘रोजगार महामेळावा २०२६’ चे आयोजन
भाएसो विद्यासंकुलात रोजगार व स्वयंरोजगाराच्या संधी
नागोठणे | महेश पवार
महाराष्ट्र शासनाच्या कौशल्य, रोजगार, उद्योजकता आणि नाविन्यता विभागाच्या वतीने २९ सप्टेंबर २०२६ रोजी एका भव्य रोजगार महामेळाव्याचे (नोकरी मेळावा) आयोजन करण्यात आले आहे. हा रोजगार व स्वयंरोजगार मेळावा नागोठण्यातील भारतीय एज्युकेशन सोसायटीच्या वेलशेत (ता. रोहा, जि. रायगड) येथील विद्यासंकुलात सकाळी १०:०० वाजता सुरू होणार असल्याचे भारतीय एज्युकेशन सोसायटीच्या विद्यासंकुलात होणाऱ्या मेळावा आयोजक समितीकडून सांगण्यात आले आहे.
या मेळाव्याचे मुख्य उद्दिष्ट तरुण-तरुणींना थेट रोजगाराच्या आणि स्वयंरोजगाराच्या संधी उपलब्ध करून देणे हे आहे.
मेळाव्याची प्रमुख वैशिष्ट्ये आणि आकर्षणे :-
थेट मुलाखती : नामांकित कंपन्यांच्या प्रतिनिधींसोबत थेट संवाद आणि जागेवरच मुलाखतीची संधी.
शैक्षणिक पात्रता : पदवीधर (Graduates) आणि पदव्युत्तर (Post Graduates) उमेदवारांसाठी नोकरीच्या सुवर्णसंधी.
करिअर मार्गदर्शन : तज्ज्ञांमार्फत करिअर आणि कौशल्य विकासाबाबत मार्गदर्शन.
उद्योग क्षेत्राचे सहाय्य : उद्योग क्षेत्रातील तज्ज्ञांकडून थेट सल्ला आणि मार्गदर्शन.
स्वयंरोजगार : उद्योजकता वाढीसाठी आणि स्वयंरोजगारासाठी विशेष सहाय्य व माहिती.
नोंदणी कशी करावी ?
या मेळाव्यात सहभागी होण्यासाठी इच्छुकांना पूर्वनोंदणी करणे आवश्यक आहे. उमेदवार बॅनरवर दिलेल्या क्यूआर (QR) कोड स्कॅन करून किंवा अधिकृत गुगल फॉर्म लिंकद्वारे (https://forms.gle/1iEQsouWp7aae76h7) आपली नोंदणी करू शकतात.
अधिक माहितीसाठी संपर्क :-
मेळाव्याविषयी अधिक माहिती मिळवण्यासाठी 77092 91702 या क्रमांकावर संपर्क साधण्याचे आवाहन आयोजकांकडून करण्यात आले आहे. तरी रायगड जिल्ह्यातील जास्तीत जास्त गरजू व पात्र तरुणांनी या संधीचा लाभ घ्यावा, असे आवाहन करण्यात आले आहे.
