अंबा नदीने ओलांडली धोका पातळी

जिल्ह्यातील कुंडलिका, पाताळगंगा या नद्यांनी इशारा पातळी ओलांडली आहे तर सावित्री, उल्हास आणि गाढी या नद्यांची पाणीपातळी अद्याप इशारा पातळीच्या खाली असली तरी सुरू असलेल्या पावसामुळे त्यामध्ये वाढ होण्याची शक्यता व्यक्त करण्यात आली आहे. जिल्हा प्रशासनाने नागरिकांना नदीपात्रात किंवा पूरग्रस्त भागात जाणे टाळण्याचे, अफवांवर विश्वास न ठेवता अधिकृत सूचनांचे पालन करण्याचे आवाहन केले आहे. महसूल, आपत्ती व्यवस्थापन आणि पाटबंधारे विभाग परिस्थितीवर सातत्याने लक्ष ठेवून असून आवश्यक त्या उपाययोजना सज्ज ठेवण्यात आल्या आहेत. दरम्यान असे असले तरी नागोठणे येथील अंबा नदीच्या पाणी पातळीवर नागोठण्याच्या सरपंच सुप्रियाताई महाडिक, प्रथम लोकनियुक्त सरपंच व विद्यमान सदस्य डॉ मिलिंद धात्रक, विद्यमान उपसरपंच ज्ञानेश्वर साळुंखे, ग्रामपंचायत अधिकारी राकेश टेमघरे आदींसह ग्रामपंचायत यंत्रणा व कर्मचारी लक्ष ठेवून आहेत.