ट्रेलरची दुचाकीला धडक 

या संदर्भात उपलब्ध माहितीनुसार फिर्यादी भार्गव घोष हा तरुण या राजनाथ राय व सचिनकुमार राय

यांच्यासह त्याच्या ताब्यातील हंटर मोटार सायकलवरून मुंबई गोवा हायवे रोडने नागोठणे ते जिंदाल कॉलनी सुकेळी असा प्रवास करीत होते. हे तरुण रात्री ८.४५ वा.चे सुमारास कानसई बस स्टॉप जवळ आले असता ट्रेलर चालक याने रस्त्याच्या परिस्थितीकडे दुर्लक्ष करून त्याचे ताब्यातील ट्रेलर  कानसई बसस्टॉप येथील डिव्हायडर कटींग येथून वेगाने टर्न घेऊन गोवा बाजूकडे चालवीत जात असताना त्याने फिर्यादी यांचे मोटार सायकलला जोराने धडक देऊन अपघात केला. या अपघातात  फिर्यादी व जखमी यांच्या लहान मोठ्या दुखापतीस व मयत यास गंभीर दुखापती होऊन त्याचे मृत्यूस कारणीभूत झाला व अपघाताची खबर न देता ट्रेलर चालक पळून गेला. या अपघाताची नोंद नागोठणे पोलिस ठाण्यात करण्यात आली असून अज्ञात चालकाविरोधात गुन्हा दाखल करण्यात आला आहे. या अपघातामधील अज्ञात ट्रेलर चालकाचा शोध सुरू असून याप्रकरणी नागोठणे पोलीस ठाण्याचे प्रभारी अधिकारी सचिन कुलकर्णी यांच्या मार्गदर्शनाखाली नागोठणे पोलिस अधिक तपास करीत आहेत.