नागोठण्यात फैज अधिकारी ९२.४० टक्के गुणांसह प्रथम

कोएसोच्या अग्रवाल विद्यामंदिरचा दहावीचा निकाल ९१.५४ टक्के  

नागोठणे : महाराष्ट्र राज्य माध्यमिक व उच्च माध्यमिक शिक्षण मंडळातर्फे मार्च २०२६ मध्ये घेण्यात आलेल्या दहावीच्या परीक्षेचा निकाल शुक्रवारी (दि.८) सकाळी ऑनलाईन जाहीर करण्यात आला.  यामध्ये कोकण एज्युकेशन सोसायटीच्या नागोठण्यातील बापूसाहेब देशपांडे विद्यासंकुलातील गु. रा. अग्रवाल विद्यामंदिरचे इयत्ता  दहावीतील १४२ पैकी १३० विद्यार्थी उत्तीर्ण झाल्याने शाळेचा शेकडा निकाल ९१.५४ टक्के लागला आहे.  शाळेतील कुमारी प्रांजली योगेंद्र चौलकर ही विद्यार्थिनी ९१.६० टक्के गुण मिळवून पहिल्या क्रमांकाने उत्तीर्ण झाली. तर कु. प्रथम जितेंद्र माळी (९०.२० टक्के), कुमारी वैदेही प्रभाकर म्हात्रे (९० टक्के) हे विद्यार्थी अनुक्रमे द्वितीय व तृतीय क्रमांकाने उत्तीर्ण झाले.  तसेच कुमारी निमिषा नितीन भोईर (८७.२० टक्के) व कुमारी श्रद्धा प्रमोद चोगले (८५.४० टक्के) या विद्यार्थिनी अनुक्रमे चतुर्थ व पाचव्या क्रमांकाचे उत्तीर्ण झाल्या आहेत.  शाळेतील २४ विद्यार्थी उच्च प्रथम श्रेणीत,  ४८ विद्यार्थी प्रथम श्रेणीत,  ३९ विद्यार्थी द्वितीय श्रेणीत तर १९  विद्यार्थी उत्तीर्ण श्रेणीत उत्तीर्ण झाले आहेत. अग्रवाल विद्यामंदिरच्या सर्व यशस्वी विद्यार्थ्यांचे स्थानिक शाळा समितीचे चेअरमन नरेंद्रशेठ जैन, मुख्याध्यापक डी.एम.पवार, वरिष्ठ लिपिक संतोष गोळे यांच्यासह सर्व शिक्षक शिक्षकेतर कर्मचा-यांनी अभिनंदन करुन पुढील वाटचालीसाठी शुभेच्छा दिल्या.