श्री जोगेश्वरी मातेची पालखी व उरुस आनंदाने साजरा करा – स. पो.नि.सचिन कुलकर्णी 

श्री जोगेश्वरी मातेची पालखी व उरुस आनंदाने साजरा करा – स. पो.नि.सचिन कुलकर्णी 

पालखी व उरूस या दोन्ही कमिटीला केल्या महत्वपूर्ण सुचना 

श्री जोगेश्वरी माता पालखी सोहळ्याचे निवेदन देताना उत्सव समितीचे पदाधिकारी)

डी.जे. आढळल्यास होणार कारवाई :

मातेच्या पालखीत बेंजो, खालुबाजा, नाशिक ढोल अशी पारंपरिक वाद्ये पालखीत वाजवा. डी.जे. वर न्यायालयीन बंदी असल्याने जर कुणी डी. जे. वाजवताना आढळल्यास कारवाई अटळ आहे. पोलिस हे समाजाला दिशा दाखविण्याचे कामच करीत असल्याने त्यांना सहकार्य करा तसेच उत्सव समितीलाही सहकार्य करा. 

दारू पिऊन पालखीत वाद करणाऱ्यांवर होणार कारवाई  : 

वर्षातून एकदा मातेची पालखी आपल्या घरासमोर येणार असल्याने प्रत्येकजण आपापल्या परीने आनंदोत्सव साजरा करीत असतो. मात्र पालखी आपली असून पालखीत कोणतेही गालबोट लागणार नाही याची काळजी सर्वांनी घ्या. त्यामुळे पालखीत दारू पिऊन वाद निर्माण करण्याचा तसेच कायदा व शिस्त याला बाधा निर्माण करण्याचा प्रयत्न केल्यास कठोर  कारवाई करण्यात येणार आहे. 

उरूस कमिटीलाही केल्या महत्वपूर्ण सूचना  :

नागोठण्यातील उरूस दोन दिवसांचा असतो. त्यामुळे पहिल्या दिवशी संदल निघते तेव्हा उरूस कमिटीच्या सर्वच सदस्यांनी संदल सोबत न येता काहींनी उरूसमध्ये थांबावे, यावर्षी दुकानांची संख्या वाढणार असल्याने त्यासाठी लागणारी लाईट कायदेशीर मार्गाने घ्या, चोरटी लाईट घेऊ नका, खाद्य पदार्थांचा दर्जा चांगला आहे का याची खात्री करून खरेदी करा, उत्सवात अंमली पदार्थ आढळल्यास कारवाई करणार, उरूसमध्ये आपत्कालीन प्रसंगात जनरेटर,  वाहने पार्किंग व्यवस्था व इतर सर्वच बाबतीत चोख व्यवस्था करा. लहान मुले हरविण्याचा घटना गेल्या वर्षी घडल्या  असल्याने ती हरवणार नाहीत याची काळजीही पालकांनी घ्यावी. 

नागोठण्यात पाच दिवस पोलिस यंत्रणा राहणार सज्ज  :

श्री जोगेश्वरी मातेचा पालखी सोहळा व उरूस या दोन्ही धार्मिक उत्सवांसाठी नागोठणे पोलिस ठाण्याच्या यंत्रणेकडून चोख बंदोबस्त ठेवण्यात येणार आहे. नागोठण्यात येण्यासाठी असलेले दोन्ही बाजूकडील रस्ते उरूस दरम्यान दोन दिवस मोठ्या वाहनांसाठी बंद ठेवण्यात येणार आहेत.  उरूस मध्ये दोन ठिकाणी नागरिक मदत केंद्र, अग्निशमन दल, फिरता दवाखाना असलेली असलेली रुग्णवाहिका  व्हॅन उपलब्ध राहणार आहे. तसेच उरूस पार्किंगच्या ठिकाणी सर्वांनी वाहने पार्किंग करावीत. तसेच पार्किंगच्या ठिकाणी पोलिसांची करडी नजर राहणार असल्याचे यावेळी सचिन कुलकर्णी यांनी स्पष्ट केले.