किशोरशेठ जैन यांनी अनेक बाबतीत वेधले लक्ष 

आ. अनिकेतभाई तटकरे यांच्या नागोठण्यातील पूरग्रस्त पाहणी दौऱ्यात किशोरशेठ जैन यांनी अनेक बाबतीत वेधले लक्ष 

किशोरशेठ जैन यांची धडपड पाहता नागोठणेकरांवर आली पाश्चातपाची वेळ 

रोहा तहसीलदारांचा आडमुठेपणा  :

पूरग्रस्त नागोठणे व परिसरातील नागरिकांच्या समस्या सांगण्यासाठी राष्ट्रवादीचे नेते किशोरशेठ जैन यांनी बुधवारी (दि.८) रात्री साडेआठ वाजण्याच्या सुमारास रोहा तहसीलदार डॉ. किशोर देशमुख यांना व्हॉट्स ॲप कॉल केला असता, तहसीलदारांनी नेहमीच्या त्यांच्या सवयीप्रमाणे फोन उचलण्याची तसदी घेतली नाही. उलट तहसीलदार डॉ. किशोर देशमुख यांनी किशोरशेठ जैन यांना व्हॉट्स ॲप वर मेसेज करून, शेठ, काय काढलं रात्रीचे काम… मला रेग्युलर कॉल करत जा.. असा प्रति मेसेज केला.  त्यावर संतप्त झालेल्या किशोरशेठ जैन यांनी “मला काही काम नाही, म्हणून कॉल करतोय.. असे प्रतिउत्तर तहसीलदारांना केले. यावरून रोहा तहसीलदार डॉ किशोर देशमुख यांना पूरग्रस्त नागोठण्याचे किती गांभीर्य होते ते दिसून येत असल्याने किशोरशेठ जैन यांनी तीव्र संताप व्यक्त केला. 

शासकीय यंत्रणेचा उदासीनपणा झाला उघड :

नागोठण्यात १९८९ चा महापूर, त्यानंतर २००५ मध्ये आलेल्या पुरात तसेच प्रत्येक वर्षी येणाऱ्या छोट्या छोट्या पुराच्यावेळी शासकीय यंत्रणा व त्यांचा आपत्कालीन यंत्रणा कक्ष तत्पर असल्याचे दिसून आले होते. मात्र यावेळी पुराच्या बाबतीत राज्याच्या नकाशावर अतिशय संवेदनशील असलेल्या नागोठण्याच्या बाबतीत जिल्हाधिकारी किशन जावळे, पोलिस अधीक्षक आँचल दलाल, महसूल खात्याचे रोहा तालुक्यातील वरिष्ठ अधिकारी तसेच रोहा पंचायत समितीच्या गटविकास अधिकारी यांना कोणतेच गांभीर्य नसल्याचे यावेळी प्रथमच दिसून आले. महसूल खात्याचे वरिष्ठ अधिकारी असलेले  तहसीलदार तर  नागोठण्यात पूरग्रस्त ठिकाणी पाहणी करण्यासाठी प्रत्यक्ष न येता आपली यंत्रणा येथील महामार्गावरील हॉटेल रुची व हॉटेल कामत या दोन हॉटेल मध्ये बसून चालवित असल्याची माहिती नागरिकांतून उपलब्ध झाल्याने किशोरशेठ जैन यांनी संताप व्यक्त करून अशा बेजबाबदार अधिकाऱ्यांची येथून उचलबांगडी करावी अशी मागणी केली आहे.