गोविंदा पथकाला शेवटपर्यंत सहकार्य

आई जोगेश्वरी गोविंदा पथकाला शेवटपर्यंत सहकार्य हा माझा शब्द : किशोरभाई जैन

गेल्या वर्षी पालीचा गड जिंकणाऱ्या  करणाऱ्या आई जोगेश्वरी गोविंदा पथकाच्या सरावाचा किशोरभाई जैन यांच्या हस्ते शुभारंभ 

आई जोगेश्वरी गोविंदा पथकाचा नऊ थर लावण्याचा संकल्प 

श्री जोगेश्वरी मंदिराच्या प्रांगणात गोकुळ भरल्यासारखे वाटत आहे : किशोरभाई जैन 

निवडणूक हा माझा महत्वाचा विषय नाही. मी कायम दुसऱ्याला खुर्चीवर बसवण्याचे काम केले आहे.  नाईलाज म्हणून मला निवडणूक लढवावी लागली मात्र त्यामध्ये मी पराभूत झालो असलो तरी माझा कुणावर राग रुसवा नाही. काही मंडळी माझ्याकडे येण्यासाठी लाजत होती, मात्र लाजण्याचे कारण नाही. किशोर जैन मित्रमंडळात सर्व पक्ष आहेत. एक गाव, एक गोविंदा आहे तिथे आपण सर्व एक आहोत. असेच आपल्याला कायम एकत्र राहायचे आहे म्हणजे पुढचा काळ आपल्यासाठी असेल. आज संकष्टी चतुर्थीचा योग असल्याने गणपती बाप्पाही आपल्या पाठीशी आहे आणि त्यातच गोविंदाच्या सरावाला पावसानेही हजेरी लावली असल्याने ही एक चांगली सुरुवात असून कृष्णजन्माष्टमी सारखे वातावरण असून नागोठण्यातील सर्व आळींतील तरुण वर्ग मोठ्या संख्येने येथे जमल्याने आज गोकुळ भरल्यासारखे वाटत आहे असे उद्गारही यावेळी किशोरभाई जैन यांनी काढले. तसेच किशोर जैन मित्रमंडळाने छ. शिवाजी महाराज चौकातील नाक्यावर सुरू केलेली दहीहंडीची प्रथा कायम सुरू राहणार असून आई जोगेश्वरी गोविंदा पथकाने ही हंडी फोडण्याचा मानही घ्यावा असे आवाहनही त्यांनी केले.

आई जोगेश्वरी गोविंदा पथकाने जखमी गोविंदाचा केला सर्व खर्च व काढलाय गोविंदाचा सामूहिक विमा  :-

नागोठण्यातील तरुणांनी गोविंदा पथकाच्या निमित्ताने एकत्र यावे आणि त्यामुळे गावातील तरुणांमधील आपली एकजूट तरुणांची एकी टिकून राहण्यास मदत होईल अशी इच्छा किशोरभाई जैन यांनी तरुणांजवळ व्यक्त केली होती आणि त्यासाठी आपण सर्वोतोपरी सहकार्य करण्यास तयार आहोत असेही आश्वासनही किशोरभाई जैन यांनी या तरुणांना दिले होते. त्यानुसारच नागोठण्यातील विविध आळीतील तरुणांचे गोविंदा पथक तसेच नागोठण्याजवळील वरवठणे, कडसुरे व निडी येथील काही तरुणांनी एकत्र येत आई जोगेश्वरी गोविंदा पथक स्थापन केले होते. या गोविंदा पथकाचे अध्यक्ष असलेले विहान जिमचे मालक भरत गिजे, प्रशिक्षक राजेश सुर्वे, स्वप्नील भोसले व रवी जासूद यांच्या मार्गदर्शनाखाली सर्व तरुण व बालगोपालांच्या सहकार्याने स्थापन झालेल्या आई जोगेश्वरी गोविंदा पथकाचे यावर्षी हे चौथे वर्ष असून गोविंदांचा सामूहिक विमा मंडळाने उतरविला आहे. तसेच गेल्यावर्षी हात, पाय, छाती अशाप्रकारे शरीराला विविध प्रकारच्या दुखापती होऊन जखमी झालेल्या सुमारे २५ गोविंदांचा सर्व उपचार खर्च आई जोगेश्वरी गोविंदा मंडळाने केला आहे.